WWW-ML/STYLE
ഗ്നു.ഓര്‍ഗ് വെബ്സൈറ്റിന്റെ മലയാളപരിഭാഷയും അനുബന്ധപ്രവര്‍ത്തനങ്ങളും ചെയ്യുമ്പോള്‍ പാലിയ്ക്കേണ്ട ഭാഷാപരവും സാങ്കേതികവുമായ മാര്‍ഗ്ഗനിര്‍ദേശങ്ങളാണ് ഈ താളില്‍. ഇതില്‍ എന്തെങ്കിലും പിശകുകള്‍ കാണുകയാണെങ്കില്‍ ആ വിവരം ഈ താളിന്റെ തന്നെ ഡിസ്കഷന്‍ പേജിലിടുക. സ്വമകയുടെ മെയിലിങ് ലിസ്റ്റിലും അറിയിയ്ക്കുക. ഉറപ്പുണ്ടെങ്കില്‍ ദയവായി താള്‍ തിരുത്തുകയും ചെയ്യുക.
മെയിലിങ് ലിസ്റ്റ്
സ്വമകയുടെ പൊതുവായ മെയിലിങ് ലിസ്റ്റ് തന്നെയാണ് പരിഭാഷയ്ക്കും ഉപയോഗിയ്ക്കേണ്ടത്. എന്നാല്‍ വിഷയം തിരിച്ചറിയാനായി നിങ്ങളുടെ ഇ-മെയില്‍ സബ്ജക്റ്റിനുമുന്നില്‍ www-ml എന്ന് ചേര്‍ക്കുന്നത് നന്നായിരിയ്ക്കും.
സമസ്തപദങ്ങള്‍
സമസ്തപദങ്ങള്‍ വിടവുകൊടുത്ത് എഴുതരുത്. പതിവായി വരാറുള്ള പിരിച്ചെഴുത്തുകളും വൃത്തിയുള്ള രൂപവും താഴെ ചേര്‍ക്കുന്നു:
| ഭംഗിയില്ലാത്ത/ശരിയല്ലാത്ത രൂപം | വൃത്തിയുള്ള രൂപം |
|---|---|
| സ്വതന്ത്ര സോഫ്റ്റ്‌വെയര്‍ | സ്വതന്ത്രസോഫ്റ്റ്‌വെയര്‍ |
| ബൗദ്ധിക സ്വത്തവകാശം | ബൗദ്ധികസ്വത്തവകാശം |
അക്ഷരത്തെറ്റുകള്‍
PO ഫയലുകളില്‍ പതിവായി വരാറുള്ള തെറ്റുകളാണ് താഴെ കൊടുത്തിട്ടുള്ള പട്ടികയില്‍. ഇതില്‍ മാറ്റം വരുത്തുന്നതിനുമുമ്പ് മെയിലിങ് ലിസ്റ്റില്‍ ചര്‍ച്ച ചെയ്യുകയോ വിവിധ സ്രോതസ്സുകള്‍ പരിഗണിച്ച് ഉറപ്പുവരുത്തുകയോ ചെയ്യുക. മാറ്റം വരുത്തിയ ശേഷം ആധികാരികമായ ഏതെങ്കിലും നിഘണ്ടുവിനെ അവലംബമാക്കിക്കൊണ്ട് മെയിലിങ് ലിസ്റ്റിലും ഈ താളിന്റെ ഡിസ്കഷന്‍ പേജിലും വിവരം ചേര്‍ക്കുക.
| തെറ്റ് | ശരി |
|---|---|
| യാദൃശ്ചികം | യാദൃച്ഛികം |
| പച്ഛാത്തലം | പശ്ചാത്തലം |
| ശൃംഘല, ശ്രംഖല | ശൃംഖല |
| വ്യത്യസ്ഥം | വ്യത്യസ്തം |
